2016(e)ko apirilakren 6(a), asteazkena

HITANO 4.0, Behin betikoa.

Apirilaren hasieran HITANO 4.0 atera zen eta dagoeneko eskuragarri dago eguneratzeko. Behin betikoa deitu diot, momentuz eta kontrako eskaerarik egon ezean, eduki gehiago ez dudalako gehituko. Bertsio berri honetan erabileraren inguruko ariketatxo batzuk gehitu ditut. Alde batetik hi pertsonako aditzak praktikatzeko esaldi batzuk daude. Beste alde batetik erabiltzen ez den egoerak praktikatzeko ariketak ere iusgai daude. Bigarren ariketa hauetan hi pertsona ere gehitu dut, horrela ezberdindu behar da alokutiboa ez denean, hi pertsonako aditzak, beti erabili behar direla, alokutiboa berriz, batzuetan ez da erabiltzen. Euskaltzaindiak, egia esanda, erabileraren inguruan ez du bere iritzia eman. Hala ere badaude ikasketa batzuk eta hemen jarraitzen diren arauak nahiko zabalduta daude.

2016(e)ko martxoakren 7(a), astelehena

Hitano 3.0, Azkenengo bertsiora gerturatuz..

Larunbatean, Martxoak 5 zituenean, Hitano 3.0 atera zen. Bertsio honekin alegiazko formak eta ahalera landu daitezke. Honekin aditzak bukatutzat emanten ditut. Egon badaude gehiago, baina guzti hauek kontralatuz gero, gainontzekoak imaginatzeko aukera badago. 
Hurrengoa, azkenengo bertsioa izango da, erabileraren inguruan ariketatxo batzuk gehituko ditut eta bukatuta!. Etorkizunean akatsak agertu ahala konpondu besterik ez dut egingo, herriak kontrakoa eskatzen ez badu behintzat...

2016(e)ko otsailakren 19(a), ostirala

Hitano 2.0

Hitano app-aren bertsio berria eskuragarri dago play store-n. Bertsio berri honetan aditz trinkoak ere landu daitezke. Egon, Joan, Etorri, Ibili, Eraman, Ekarri, Jakin, eta Eduki askotan erabiltzen dira era trinkoan eta hitanoz ari garen, aldaketa batzuk egin behar dira. Egia esanda, ez da oso zaila, baina app-a osoagoa dela iruditzen zitzaidan, hala aholkatu zidaten ere..
Niri zuzenean eguneratu zait, wifia hartu dudanean..

2016(e)ko otsailakren 2(a), asteartea

Mugikorretako aplikazioa.

Hitano praktikatzeko aplikazio (app) bat garatu dut. Bertan oinarrizko azalpenak ikusgai daude baita praktikatzeko ariketa batzuk ere. play store-n eskuragarri dago. Jaisteko bilatzailearekin "hitano" jarrita ikusgai dago. Momentuz behera jo behar da aurkitu ahal izateko, "tarot gitano" eta horrelako aplikazioen ostean, ea jende asko erabiltzen duen eta gora doan.
Nahi izanez gero froga ezazu. Hika praktikatzeko baligarria izango delakoan nago.
App-ari buruzko berriak emateko orri berezi bat egin dut .

2016(e)ko urtarrilakren 28(a), osteguna

Baina, Zer da Hitano?


Ni ez naiz filologoa, dagoeneko konturatuko zinen, baina nik dakidana erabiliz azalpen xumen bat emango dut, errealitatetik oso urrun ez egotea espero dut.

Guk, euskaraz ari garen gehienetan, hitz egiteko era formala erabiltzen dugu. Bigarren pertsona gisa zu erabiltzean errespetua adierazteko erabiltzen zen lehen (oraindik ere leku askotan honela da). Orain berriz, forma hau zeharo arrunta bihurtu da. Berez, konfidantzazko elkarrizketetan ez litzateke zu erabili behar, hi baizik. Hi bada benetako bigarren pertsona. 

Euskara ikasten denean, aditz tauletan hi pertsona ere agertzen da, eta nahiko erraz ikaste da, ni formaren antza handia baitu. Arazoa sortzen da erabiltzean. Hi forma erabiltzen dugunean derrigorrez alokutiboa erabili behar dugulako. 

Alokutiboa bada aditzean, nolabait, norekin ari garen sartzea. Adibidez era arruntean (neutroa) "nik sagar bat jan dut" esango genuke, berdin da norekin ari garen. Hika aritzean berriz (alokutiboa) neska batekin ari bagara "nik sagar bat jan dinat" esan beharko genuke, mutila balitz "nik sagar bat jan diat". 

Beraz honek sailtzen du istorio osoa, alokutiboa, eta horregatik ez da horren sinplea hitanoz hitz egitea, aditz pilo bat aldatu behar delako. 

Honen inguruan argi izpitxo bat botatzeko sortu dut bloga, ae zerbait argitzen dugun...


2016(e)ko urtarrilakren 25(a), astelehena

Hitano ere Euskara da.

Hitano Euskararen zati bat bada. Batuera sortu zutenean arrazoi ezberdinengatik alde batean utzita egon zen, hala uste dut nik behintzat, eta denbora pasa ahala zerbait egin bada ere oso astiro dabiltza gai honekin. Egia da zuka erabiliz euskarak bere pausoak eman dituela eta hori oso ondo dago, baina niri betidanik oso berezia iruditu zait erregistro formalean ibili behar izatea hitano ez nekielako. Urteak badira euskara ikasi nuenetik eta orain ikastaro baten aitzakiaz honen inguruan zerbait egitea erabaki dut. Hitanori nire ekarpena hauxe izango da, blog honetan materiala utzi eta noizean behin, gogoen arabera, sarreratxo bat gehitu. Lehenengo honetan onartu behar dut nahiz eta hitanoz hitz egiteko aukera izan, oraindik ez dudala erabiltzen, aurrerago espero dut hau aldatzea.

Besterik gabe honekin bukatzen da nire lehenengo sarrera.

PD. Hau nire lehenengo bloga dela ere onartu behar dut  eta beraz ez dakit oso ondo nola ibiliko naizen. Hona heldu bazara barkamenak akatsengatik eta ea zerbait interesgarria arkitzen duzun.